सिकंदर

"वो सिकंदर ही
दोस्तों कहलाता है
हारी बाज़ी को जीतना
जिसे आता है.."

प्रत्येक जण 31डिसेंबरला आपला लेखा-जोखा मांडत असतो. कधी बेरीज, वजाबाकी, गुणाकार, भागाकार सगळी व्यावहारिक पातळीवरची गणिते. जीवनाचा अर्थ जो तो आपापल्या परीने लावतो. जगण्याचा अर्थ स्वतःचा स्वतः कधी लावणार? 

खर तर यावर्षी जानेवारी महिन्यातील माझे हॉस्पिटलला ऍडमिट होणे माझ्या स्वतःच्या तब्बेतीबाबत केलेले दुर्लक्ष आणि हेळसांड हेच होते. अतिप्रमाणात perfectionist बनण्याचा प्रयत्न...

या दिवसात माझे मला कळले की मला थोड थोड स्वतःला बदलवावे लागेल. सुरुवात करण भाग होत.k एकदम बदल होणे शक्य नाही... क्रांती की परिवर्तन??? हळूहळू बदल करणे स्वीकारले.

वर्षभरात गणपतीत गावी एके गावी हे समीकरण चुकवले.... जुनागढ गिरनार दर्शन, सोमनाथ, देवगड, लोणावळा, नवदेवीदर्शन (सप्तदेवीच झाल्या), दापोली या ना त्या निमित्ताने फिरणं झाले.

चारचौघी कमाल नाटक.... पाहण्याचा योग आला. स्त्रीची नानविध असण्याची वृत्ती तिला ठाम आणि कणखर बनविण्यास मदत करते. कित्येकदा तिची द्विधा अवस्था होते... कित्येकदा हतबल होते. पण तेवढीच ती सपक निर्णय घेऊन मोकळीही होते.

आपल्याच माणसांकडे त्रयस्थ म्हणून कसे पहायचे?

आपली म्हणून ज्यांना आपली मानली ती खरंच आपली आहेत का याची खातरजमा कशी करायची?

वर्षअखेर हे प्रश्न जरा जलद गतीने फिरत राहतात.

प्रश्नांची उत्तरे शोधता-शोधता उभा जन्म संपेल.?

आजचा दिवस खास ....

भूतकाळात घडलेल्या घटना अर्थात चांगल्या वाईट त्यांचा वर्तमानावर प्रभाव पडतो तसा तो भूतकाळावरही आपली छाप सोडून जातो. हेच तर जाणून घ्यायचा हा दिवस .

*31डिसेंबर*

किती खास... किती आगळा..वेगळा..प्रत्येकाच्या मनात संमिश्र भावनांचे काहूर मजवणारा...स्वतःचे अस्तित्व विलीन करताना आनंदाने मनसोक्त जगणारा. वर्षाचा शेवटचा दिवस असला तरी हा एक दिवस म्हणून स्वतः चे स्वत्व टिकवून ठेऊन नवं दिनाचं स्वागत करणारा सिकंदरच...